Friday, May 26, 2017

சிக்கன் ஹரீஸ் (ஸ்லோ குக்கர் முறை) / Chicken Harees ( slow cooker method)

 தேவையான பொருட்கள்;-
முழுக் கோதுமை அல்லது உடைத்தது - 200 கிராம்
சிக்கன் - 400 கிராம்
இஞ்சி பூண்டு பேஸ்ட் - 1 டீஸ்பூன் குவியலாக
கரம் மசாலா விரும்பினால் ஒரு பெரிய பின்ச்
பச்சை மிளகாய் - 2
ஆலிவ் ஆயில் - 4 டேபிள்ஸ்பூன்
நெய் - 2 டீஸ்பூன்
உப்பு - தேவைக்கு
ஃப்ரைட் ஆனியன் - அலங்கரிக்க.

செய்முறை:-
முழுக் கோதுமை என்றால் முதல் நாள் இரவு ஊறப் போட்டு எடுத்து செய்யலாம்.உடைத்த கோதுமை என்றால் 4 மணி நேரம் ஊற வைத்து எடுத்து வைக்கவும்.
 சிக்கனை சுத்தமாக கழுவி எடுத்து வைக்கவும்.உங்கள் விருப்பப்படி முழு கோழியோ அல்லது கோழியில் பிடித்த பகுதியை எடுத்துக் கொள்ளலாம்.நான் முழுக்கால் 3 எண்ணம் எடுத்துள்ளேன்.
 இங்கு ஸ்லோ குக்கரில் செய்து காட்டியிருக்கிறேன்.
ஸ்லோகுக்கரை 10 நிமிடம் நேரம் முற்சூடு செய்யவும்.

 2 டேபிள்ஸ்பூன் ஆலிவ் ஆயில் சூடு செய்யவும்.
 அதில் கோழி இறைச்சியை போடவும்.சூடு வந்தவுடன் பிரட்டி விடவும்.
 ஊறிய கோதுமையை தட்டி நன்கு மூழ்கும் வரை தண்ணீர் வைக்கவும். சிறிது உப்பு சேர்க்கவும்.
 இஞ்சி பூண்டு,கரம் மசாலா(ஏலம் பட்டை கிராம்பு தூள் - சிறிது போட்டால் போதும்..போடாமல் தான் இங்கு செய்வார்கள்)

 மூடி 2 - 3  மணி நேரம் ஹையில் வைத்து   மூடி வைக்கவும்.
 சிக்கன் துண்டுகளும் கோதுமை நன்கு வெந்து வரும்.


video

 நன்கு வெந்தவுடன் நாம் போட்ட பச்சை மிளகாய் ,சிக்கன் வெந்தவுடன் உதிர்த்து அதில் உள்ள எழும்பை எடுத்து விடவும் .போன்லெஸ் சிக்கனாக சேர்த்தால் இலகுவாக இருக்கும்.

 பின்பு நன்கு ஒரு சேர அடிக்க வேண்டும்.பசை போல் ஆக வேண்டும். கஞ்சி மாதிரி வரும்.சிக்கனும் கோதுமையும் நன்கு ஒன்று சேர்ந்து விடும்.
 2 டீஸ்பூன் நெய் சேர்க்கவும்.
video
இப்படி நன்கு ஒரு சேர அடிக்க வேண்டும்.

மீண்டும் நன்கு அடிக்கவும்.உப்பு சரி பார்க்கவும்.
video


தயார் ஆனதை ஹாட் பாக்ஸிலோ பவுலிலோ எடுத்து வைக்கவும்  மேலே ஆலிவ் எண்ணெய் 2 டேபிஸ்பூன் ஊற்றி வைக்கவும்.பரிமாறும்  பொழுது அலங்கரிக்க வெங்காயம் சிவற பொரித்து வைக்கவும்.
சுவையான சிக்கன் ஹரீஸ் (ஸ்லோ குக்கர் முறை) தயார். செமையாக இருக்கும்.
ஒரு பவுலில் எடுத்து ஃப்ரைட் ஆனியன் அலங்கரித்துப் பரிமாறவும்.

நோன்பு நேரத்தில் நாம் கஞ்சி சாப்பிடுவது போல் அரபு நாட்டில் இந்த ஹரீஸ் பிரசித்தம்.மட்டனில் செய்தால் ருசி இன்னும் பிரமாதமாக இருக்கும்.நான் இங்கு சிக்கனில் செய்து காட்டியிருக்கிறேன்.
மைல்டாகத்தான் இருக்கும் , கார சாரமாக சாப்பிட விரும்புபவகளுக்கு இது அவ்வளவாக பிடிக்காது. இதை முறையில் ஹலீம் மசாலா போட்டும் செய்து பார்க்கலாம்.
(நீங்கள் ப்ரஸர் குக்கரிலும் செய்யலாம், முதல் விசில் வந்தவுடன் அடுப்பைக் குறைத்து வைத்து நன்கு மசியும் வரை குறைந்தது முக்கால் மணி - 1 நேரம் வேக வைக்கலாம்)


Monday, May 8, 2017

வாவல் மீன் ஃப்ரை / Pomfret fish fry.


 தேவையான பொருட்கள்;-
முழு வாவல் மீன் ( 200 கிராம் சைஸ்) - 3 எண்ணம்
பொரிக்க எண்ணெய் தேவைக்கு.
மிளகாய்த்தூள் -2- 3 டீஸ்பூன் அல்லது காரத்திற்கேற்ப.
மிளகு தூள் - அரைடீஸ்பூன்
சீரகத்தூள் - அரை டீஸ்பூன்
சோம்புத்தூள் - அரைடீஸ்பூன்
மஞ்சள் தூள் - கால் டீஸ்பூன்
இஞ்சி பூண்டு பேஸ்ட் - 2 டீஸ்பூன் அல்லது பூண்டு மட்டும் தட்டியது.
எலுமிச்சை ஜூஸ் - 1 டேபிள்ஸ்பூன்
அரிசி மாவு - 1 டீஸ்பூன்
உப்பு - தேவைக்கு
பின்ச் ரெட் புட் கலர் .

செய்முறை:-
சுத்தம் செய்த மீனை விருப்பம் போல் கீரி விட்டுக் கொள்ளவும்,நன்கு அலசி தன்ணீர் வடித்துக் கொள்ளவும்.


 எண்ணெய் தவிர மேற்குறிப்பிட்ட பொருட்கள் அனைத்தும் சேர்த்து பேஸ்ட் செய்து கொள்ளவும்.மீனில் நன்கு பூசி ஃப்ரிட்ஜில் வைத்து 1- 2 மணி நேரம் ஊற வைக்கவும்.
 பொரிப்பதற்கு அரை மணி நேரம் முன்பு வெளியே எடுத்து வைக்கவும்.

ஒரு சாலோ ஃப்ரை பேனில் எண்ணெய் சூடு செய்யவும்.
மீனை பக்குவமாக இருபக்கமும் சிவற பொரித்து எடுக்கவும்.


 சுவையான பாம்ஃப்ரெட் ஃபிஷ் ஃப்ரை ரெடி.
 நறுக்கிய வெங்காயம்,எலுமிச்சை துண்டு வைத்து பரிமாறவும்.


Friday, April 28, 2017

வெட்டு கேக் / Vettu cake

தேவையான பொருட்கள்:-
மைதா - 350 கிராம்
சீனி - 150 கிராம்  + 2 ஏலக்காய் பொடித்துக் கொள்ளவும்
முட்டை - 1
வெண்ணெய் - 50 கிராம்
பால் - 50 மில்லி
சோடா உப்பு - 1/4 டீஸ்பூன்
உப்பு - பின்ச்.
ரெசிப்பி பகிர்வு :-
சிராஜ் முனீரா. Share your recipes பகிர்வுக்கு மிக்க நன்றி.

செய்முறை:-
நான் முயற்சி செய்தேன் சூப்பராக வந்தது.  இதோ படங்களுடன் குறிப்பு.
மேற்சொன்ன அளவில்  பவுலில் மைதா , சோடா உப்பு நன்கு கலந்து கொள்ளவும்.
பின்பு வெண்ணெய்,முட்டை, சீனி, பால் சேர்த்து மாவை பிணைந்து கொள்ளவும்.
 அரை மணி நேரம் மூடி வைக்கவும்.
பின்பு ஒரு போல் உருண்டைகளாக பிரிக்கவும்.

 எண்ணெய் சூடு செய்யவும். மிதமான சூட்டில் உருண்டைகளைப் போட்டு சுடவும். கேக் வெட்டு பட்டது போல் பிளந்து காணப்படும்.
பொன்னிறமாக சிவந்து வெந்து வரும் பொழுது எண்ணெய் வடித்து எடுக்கவும்.



சுவையான வெட்டு கேக் தயார்.
ஊரில் டீக்கடையில் வடையுடன் இதுவும் விற்பனைக்கு இருக்கும்.
எப்பவாவது விரும்பினால் வீட்டில் செய்து சாப்பிடலாம்.

சூப்பர் டேஸ்ட் :) !

Sunday, April 23, 2017

ட்ரிஃபில் புட்டிங் / Trifle Pudding


தேவையான பொருட்கள்;-
வெனிலா ஸ்பாஞ்ச் கேக் ( முதல் லேயர்)
மிக்ஸ்ட் ஃப்ரூட்ஸ்
ஜெல்லி
கஸ்டர்ட்
விரும்பினால் நட்ஸ் விப்பிங் கிரீம் ( மேல் அடுக்கு).
செய்முறை:-


முதலில் அரை லிட்டர் பாலை காய்ச்சவும். அத்துடன்  வெனிலா ஃப்லேவர் கஸ்டர்ட் பவுடர் 2 டேபிள்ஸ்பூன் சிறிது பாலில் கலந்து மிக்ஸ் செய்யவும். சீனி 4 டேபிள்ஸ்பூன் சேர்க்கவும். நன்கு மிக்ஸ் செய்யவும்.அடுப்பை அணைக்கவும்.


அடுத்து ஏதாவது ஒரு ஃப்லேவர் ஜெல்லி ரெடிமேட் வாங்கி பேக்கில் சொன்ன படி காய்ச்சி  ஆற வைத்து செட் ஆனதும் துண்டு போட்டு வைக்கவும்.
ஒரு கண்ணாடி பவுலில் முதலில் கேக் துண்டுகளாகவோ கட் செய்தோ வைக்கவும்.
அடுத்து ஜெல்லி வைக்கவும், ஃப்ரூட்ஸ் போடவும், பின்பு காய்ச்சி ஆறிய கஸ்டர்ட் சேர்க்கவும்.

செட் ஆக ஃப்ரிட்ஜில் குறைந்தது ஒரு மணி நேரம் வைக்கவும்.
செட் ஆனவுடன் பரிமாறவும்.
தனித்தனியாக பவுலில் எடுத்து பரிமாற வேண்டும்.
சுவையான ட்ரிஃபில் புட்டிங் ரெடி. விரும்பினால் விப்பிங் கிரீம் ஒரு லேயர் வைத்து மேலே ரோஸ்ட்டட்  நட்ஸ் தூவி அலங்கரித்துப் பரிமாறலாம்.




Wednesday, April 19, 2017

கிரீன் / பிரியாணி ஆம்லெட் / Green / Briyani omlette

 ஒரு சில நேரம் டிஃபன் செய்ய சோம்பல் வரும் பொழுது ஈசியாக முட்டை ஆம்லெட் செய்து சாப்பிடுவதுண்டு.சிறிய சிறிய மாற்றத்துடன் செய்வேன்.
முட்டை ஆம்லட் தானேன்னு கிளிக் செய்வதில்லை.முட்டை பொரிக்கிற கலத்தில் ஆம்லட் கலவையை ஊற்றும் பொழுது தான் திடீர்னு நினைவு வந்து கிளிக் செய்தேன்.
தேவையான பொருட்கள்:-
பெரிய முட்டை - 2 அல்லது 4
எண்ணெய் அல்லது நெய் - 1 டேபிள்ஸ்பூன்
பச்சை மிளகாய் - 1
மல்லி,புதினா, கருவேப்பிலை - சிறிது
வெங்காயம் - சிறியது 1
( பச்சை மிளகாய்,மல்லி,புதினா,கருவேப்பிலை,வெங்காயம் சேர்த்து பரபரவென  மிக்ஸியில் அரைத்துக் கொள்ளவும்)
இஞ்சி பூண்டு பேஸ்ட் - கால் டீஸ்பூன்
கரம் மசாலா விரும்பினால் ( பின்ச்)
சீரகத்தூள் - கால் டீஸ்பூன்
மிளகுத்தூள் - அரைடீஸ்பூன்
விரும்பினால் பொடியாக தக்காளி நறுக்கி சேர்க்கலாம்.(நான் இதில் சேர்க்கவில்லை ..அது தனியாக தக்காளி ஆம்லெட் செய்து சாப்பிடலாம்)
உப்பு தேவைக்கு.
செய்முறை:-
 முட்டையுடன் அரைத்த கலவை, உப்பு,மிளகு, சீரகம், இஞ்சி பூண்டு பேஸ்ட், கரம் மசாலா(விரும்பினால்) சேர்த்து கலந்து அடித்து வைக்கவும்.
 முட்டை பொரிக்கிற கலம் சூடானவுடன் நெய் விடவும்.கலம் முழுவதும்
கலவையை பரவலாக விடவும்.

 திருப்பி போடவும். இரு புறமும் திருப்பி  வெந்தவுடன் எடுக்கவும்.
 அப்படியே சூடாக தட்டில் எடுத்து பரிமாறவும்.
இதனை பிரியாணி ஆம்லெட் என்று கூட சொல்லலாம்.
பச்சையாக இருப்பதால் கிரீன் ஆம்லெட் என்றேன்.

Thursday, April 13, 2017

பராசப்பம் / Parasappam

பராசப்பத்தை ஒவ்வொரு ஊரிலும் ஒவ்வொரு விதமாகச் செய்வார்கள். இது எங்க ஊரு ஸ்பெஷல்.



தேவையான பொருட்கள்:-
மாவு தயாரிக்க:-
புழுங்கல் அரிசி - ஒரு கப்
பச்சை அரிசி - ஒரு கப்
உளுந்து - அரை கப்
கடலை பருப்பு - கால் கப்
வெந்தயம் - 1 டீஸ்பூன்
துருவிய தேங்காய் - பாதி காய்.  

முதலில் அரிசி,உளுந்து வெந்தயம்,கடலை பருப்பு சேர்த்து ஊற வைக்கவும். தேங்காய் துருவி வைத்துக் கொள்ளவும்.
நன்கு சுமார் 4 மணி நேரம் ஊறிய பின்பு முதலில் ஊறிய வற்றை சேர்த்து அரைக்கவும்.அத்துடன் தேங்காய் சேர்த்து அரைத்து  எடுத்து மூடி வைக்கவும். எட்டு மணி நேரம் இருக்க வேண்டும்.

 மாவுடன் சேர்க்க மறுநாள் ;-
முட்டை  1 அல்லது 2
ரவை - ஊறவிட்டது - 3 டேபிள்ஸ்பூன்
உப்பு - தேவைக்கு.

தயார் ஆன அரைத்த மாவுடன் முட்டை,ரவையைச் சேர்த்து  கலக்கவும்.


இனி கொத்துக்கறி மசாலா தயார் செய்ய வேண்டும்.
மட்டன் அல்லது சிக்கன் கொத்தியது - 200 கிராம்  எடுத்துக் கொள்ளலாம்,
ஒரு குக்கரில் 2 டேபிள்ஸ்பூன் எண்ணெய் விடவும்.
கால் கிலோ பொடியாக நறுக்கிய வெங்காயம்  சேர்த்து வதக்கவும். 2 டீஸ்பூன் இஞ்சி பூண்டு பேஸ்ட்  சேர்க்கவும், கரம் மசாலா அரைடீஸ்பூன் சேர்க்கவும். நன்கு வதக்கவும்.பொடியாக நறுக்கிய 2 பச்சை மிளகாய், ஒரு தக்காளி  சேர்க்கவும்  நறுக்கிய மல்லி, புதினா இலை சேர்க்கவும். கொத்துக்கறி சேர்க்கவும்.  ஊர் மசாலா 1 டேபிள்ஸ்பூன் சேர்த்து நன்கு வதக்கிய பின்பு மூடி, தேவைப்பட்டால் சிறிது தண்ணீர் சேர்த்து  2  -3 விசில் விட்டு அடுப்பை அணைத்து விடவும்.
ஆறிய பின்பு  நாம் முட்டை ,ரவை கலந்த ஆட்டிய மாவில் தயார் செய்த கொத்துக்கறி மசாலாவைக் கொட்டவும்.
நன்கு ஒரு சேரக் கலந்து தோசை மாவு பதத்தில் வருமாறு தயார் செய்யவும்,உப்பு சரிபார்க்கவும். நல்ல மணமாக இருக்கும்.

இனி எண்ணெய் நெய் கலந்து ஒரு கிண்ணத்தில் வைத்துக் கொள்ளவும்.

தோசைச் கலத்தில்  மாவை விட்டு வட்டமாக மெல்லிய அல்லது கனத்த பராசப்பமாகச் சுட்டு எண்ணெய் நெய் மேலே லேசாக விட்டு சிவற பராசப்பத்தைச் சுட்டு அடுக்கவும்.
சுவையான பராசப்பம் தயார்.

இது கறி சால்னாவுடன் பரிமாற சூப்பராக இருக்கும். 








Friday, March 24, 2017

ஈசி வெஜ் சூப் / Easy Veg Soup

தேவையான பொருட்கள்:-
கேரட்,கோஸ்,ப்ரோக்கலி, மஷ்ரூம்  எல்லாம் சேர்ந்து- கால் கிலோ,
பட்டர் - 1 டேபிள்ஸ்பூன் ( சிறிய கியூப்)
நறுக்கிய பெரிய வெங்காயம் - 1
நறுக்கிய பூண்டு பற்கள் - 5
லைட் சோயா சாஸ் - 2 டீஸ்பூன்
வினிகர் - 1 டீஸ்பூன்
உப்பு, மிளகுத்தூள் - தேவைக்கு.
செய்முறை:-

வாணலியில் பட்டர் போட்டு உருகவும் நறுக்கிய வெங்காயம் பூண்டு போட்டு வதக்கவும்.
காய்கறிகள் சேர்க்கவும்.
வதக்கி 4 கப் தண்ணீர் விடவும்.
காய்கறிகள் வெந்து வரும் போது சோயா சாஸ், வினிகர் சேர்க்கவும்.
அடுப்பை அணைக்கும் சமயம் மிளகுத்தூள் ,உப்பு தேவைக்கு சேர்க்கவும்.
சுவையான சத்தான வெஜ் சூப் தயார். 
ரா வீகன் ட்யட் இருக்கும் பொழுது  இரவு மட்டும் வேக வைத்த உணவு சாப்பிடலாம். ஒரு நாள் சூப், ஒரு நாள் சுண்டல் என்று சாப்பிட மெனு சொன்ன பொழுது செய்த சூப்.இன்று தான் பகிர நேரம் கிடைத்தது.
இதை இப்படியே சாப்பிட்டால் நல்ல ஃபில்லிங்காக இருக்கும்.
கிளியர் சூப்பாக வேண்டுமானால் வடிகட்டி குடிக்கலாம்.